ថ្ងៃនេះសាលាស្រុកអន្លង់វែងសូមជូននូវរមណីដ្ឋានធម្មជាតិមួយកន្លែងគឺទឹកធ្លាក់ជើងភ្នំក្បាលទន្សោង

យើងធ្វើដំណើរតាមផ្លូវជាតិ67B ឆ្ពោះទៅច្រកជាំទៅដល់ផ្លូវក្រវ៉ាត់ព្រំដែនបត់ឆ្តាំដៃ ចូលតាម ផ្លូវក្រវ៉ាត់ ព្រំដែនប្រហែលជា៥គីឡូម៉ែត្រ នឹងមានផ្លូវគ្រួសក្រហមមួយ នៅខាងឆ្វេងដៃ សំដៅ ទៅជើងភ្នំ យើង ត្រូវទៅតាមផ្លូវនេះរហូតប្រហែលជា២គីឡូម៉ែត្រទៀត នឹងដល់ ទឹកធ្លាក់ជើង ភ្នំក្បាលទន្សោងហើយ។

ទឹកធ្លាក់ជើងភ្នំក្បាលទន្សោងមានជាច្រើនដំណាក់ ទឹកហូរធ្លាក់ពីលើភ្នំបែកផ្កាត្រែង មានផ្ទាំងថ្ម តូចធំ ប្រជុំទៅដោយព្រៃប្រឹក្សា បក្សាបក្សីស្រែកយំ រណ្តំទៅជាបទភ្លេង ធ្វើអោយទាំងចាស់ ទាំងក្មេងបើ បានឃើញហើយពិតជាសប្បាយ រសាយអស់នូវទុកកង្វល់ ឬ ការនឿយហត់ ពីការងារផ្សេងៗ ។